Уруксатсыз курулуш
#108466 | 12.01.2024 | Көрүүлөр: 2559
Мен өзүмдүн жеримде үй куруп баштадым, пайдубалын куюп бүтүп, курулушка уруксат алуу үчүн документтер менен бир аз кечигип калдым.
Коңшулар арыз жазышкан, мыйзамсыз курулуш үчүн айып пул өндүрүп берүүнү каалап жатышат.
Сураныч, жеке адам катары мен кандай айыпка кабылам? 100 000 сомдон ашат деп коркушат.
Муну кайсы мыйзам жана берене жөнгө салат?
Сиздин сурооңузга жооп катары мен Кыргыз Республикасынын Жоруктар жөнүндө кодексинен үзүндү келтирем:
144-статья. Долбоорлоо жана куруу эрежелерин бузуу
1. Имараттар менен курулмаларды долбоорлоодо жана курууда техникалык регламенттердин, курулуш нормаларынын, эрежелеринин жана стандарттарынын, ошондой эле башка тиешелүү ченемдик укуктук актылардын талаптарын бузуу -
жеке жактарга эсептик көрсөткүчтүн отуз өлчөмүндө, юридикалык жактарга - 100 өлчөмүндө айып салууга алып келет.
2. Курулуш объектисин жайгаштыруу менен байланышкан шаар куруу документтерин ишке ашырууда техникалык регламенттерди, курулуш нормаларын, эрежелерин жана стандарттарын, ошондой эле башка тиешелүү ченемдик укуктук актыларды бузуу, -
жеке жактарга эсептик көрсөткүчтүн отуз өлчөмүндө, юридикалык жактарга - 100 өлчөмүндө айып салууга алып келет.
3. Имараттар менен курулмаларды эксплуатациялоодо архитектуралык көрүнүшүн өзгөртүүнүн, аларды мыйзамсыз кайра жабдуунун, профилин өзгөртүүнүн жана реконструкциялоонун, анын ичинде көп батирлүү турак-жайлардагы жайлардын тартибин бузуу, -
жеке жактарга эсептик көрсөткүчтүн отуз өлчөмүндө, юридикалык жактарга - 75 өлчөмүндө айып салууга алып келет.
4. Курулуш материалдарын, буюмдарын же конструкцияларын өндүрүүдө, сатууда, ташууда же курулушта колдонууда техникалык регламенттердин, стандарттардын талаптарын бузуу, -
жеке жактарга эсептик көрсөткүчтүн отуз өлчөмүндө, юридикалык жактарга - 125 өлчөмүндө айып салууга алып келет.
5. Курулуш объектилерин пайдаланууга берилип жаткан бүткөрүлгөн курулуш объектисинин ылайыктуулугун баалоосуз эксплуатациялоо -
жеке жактарга эсептик көрсөткүчтүн отуз өлчөмүндө, юридикалык жактарга - 75 өлчөмүндө айып салууга алып келет.
Эсептелген керсеткучтерду 100 сомго кобойтуу.
Урматтоо менен, А.Сыдыков.
Байланыш маалыматтары: a_sydykov@mail.ru же 0701 680 480.
Кесиптешимдин жообунан тышкары, кутмандуу. Алынган айыпты сот аркылуу талашууга укугуңуз бар. Ийгилик жана ден соолук.