193-берене. Жалпы жоболор

1. Эгерде ушул бөлүмдө башкача каралбаса, салык төлөөчү төмөнкүдөй чыгарып салуу укугуна ээ:

1) стандарттык чыгарып салуулар;

2) социалдык чыгарып салуулар;

3) мүлктүк чыгарып салуулар;

4) инвестициялык чыгарып салуу.

2. Стандарттык чыгарып салуулар резидент эмес-жеке жакты кошпогондо, салык төлөөчүлөрдүн бардык категориялары үчүн колдонулат.

3. Социалдык, инвестициялык жана мүлктүк чыгарып салуулар төмөнкүлөр үчүн колдонулат:

1) Кыргыз Республикасынын жарандары;

2) Кыргыз Республикасынын жараны болуп саналбаган, бирок Кыргыз Республикасында жашап турууга укугу же кайрылман статусу бар резидент-жеке жак.

4. Салык төлөөчү ушундай чыгарып салуулар тийиш болгон салыктык мезгилинде гана чыгарып салуу укугуна ээ болот.

(КР 2025-жылдын 29-октябрындагы № 243 Мыйзамынын редакциясына ылайык)