88-берене. Турак жана турак эмес жайларды кайра куруу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
Кыргыз Республикасынын Турак жай кодексинин 88-беренеси, 06.08.2025 редакциясы.
1.. Турак жай имараттарындагы турак жайларды кайра куруу ыйгарым укуктуу органдын жана турак жай фондун эксплуатациялоо жаатындагы иштерди жүзөгө ашырган органдын көзөмөлү алдында турак жайдын менчик ээлери тарабынан мыйзамдарда аныкталган тартипте жүзөгө ашырылышы мүмкүн жана өзүнө төмөнкүлөрдү камтыйт:
1) профилин өзгөртүүнү - жайдын функционалдык багытын өзгөртүүнү;
2) реконструкцияны - жайдын көлөмдүк-пландоо жана конструкциялык чечимдерин, инженердик жабдууларды жана архитектуралык чечимдерин өзгөртүүнү;
3) кайра пландоону - ушул жайдын конфигурациясына кийин өзгөртүү менен жайдын планын өзгөртүүнү.
2. Турак жана турак эмес жайларды кайра куруу Кыргыз Республикасынын Министрлер Кабинети тарабынан белгиленген архитектуралык-курулуш, шаар куруу ченемдери менен аныкталат.
3. (КР 2017-жылдын 12-декабрындагы № 207 (12) Мыйзамына ылайык күчүн жоготту)
(КР 2017-жылдын 12-декабрындагы № 207 (12) Мыйзамынын редакциясына ылайык)