112-берене. Жердин абалына таасир этүүчү объекттерди, курулуштарды жана курулмаларды жайгаштырууга, долбоорлоого, курууга жана эксплуатациялоого карата экологиялык, санитардык-гигиеналык жана башка атайын талаптар
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ. ЖЕРЛЕРДИ КОРГОО. ЖЕРЛЕРДИН ПАЙДАЛАНЫЛЫШЫН ЖАНА КОРГОЛУШУН МАМЛЕКЕТТИК КОНТРОЛДОО. МАМЛЕКЕТТИК ЖЕР КАДАСТРЫ. ЖЕРГЕ ЖАЙГАШТЫРУУ›19-глава. Жерди коргоо
Кыргыз Республикасынын Жер кодексинин 112-беренеси, 18.07.2025 редакциясы.
1. Жаңы жана реконструкциялануучу объекттерди, курулуштарды жана курулмаларды жайгаштырууда, долбоорлоодо, курууда жана эксплуатациялоодо, ошондой эле жаңы технологияларды ишке киргизүүдө жерди коргоо боюнча иш-чаралар каралууга жана жүзөгө ашырылууга, экологиялык, санитардык-гигиеналык жана башка атайын талаптардын (ченемдердин, эрежелердин, нормативдердин) сакталышы камсыз кылынууга тийиш.
2. Жердин абалына терс таасирин тийгизүүчү объекттерди жайгаштыруу Кыргыз Республикасынын мыйзамдарында аныкталган тартипте атайын экологиялык негиздеменин негизинде жүзөгө ашырылат, жаратылышты коргоо жана башка органдар менен макулдашылат.