374-берене. Мүлк объекттерин пайдаланууга (ижарага) берүүдө мүлк салыгын төлөөнүн өзгөчөлүктөрү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
XIII БӨЛҮМ. МҮЛК САЛЫГЫ›48-глава. Жалпы жоболор
Кыргыз Республикасынын Салык кодексинин 374-беренеси, 06.08.2026 редакциясы.
1. Мамлекеттик жана муниципалдык менчиктеги мүлк объекттерин, ошондой эле салык салуудан бошотулган субъекттерге таандык же алардын пайдалануусунда турган мүлк объекттерин пайдаланууга (ижарага) берүүдө пайдалануу же ээлик кылуу укугу мүлк объектине менчик укугун каттоочу ыйгарым укуктуу мамлекеттик орган тарабынан катталган учурларды жана 409-берененин 1-бөлүгүнүн 3-пунктунда көрсөтүлгөн субъекттерди кошпогондо, мүлк салыгын төлөөчү болуп ижарага берүүчү саналат.
11. Мүлк объекттерин финансылык ижарага берүүдө лизинг берүүчү мүлк салыгын төлөөчү болуп саналат.
2. Ушул берененин 1 жана 11-бөлүктөрүндө көрсөтүлгөн учурларда мүлк салыгы төмөнкүлөрдөн алынат:
1) салыктын суммасын келишимде бөлүп көрсөтүү менен мүлк объекттерин ижарага берүү келишиминин алкагында ижарачыдан ижарага берүүчү тарабынан, ал ижарага берүүчү тарабынан бюджетке төлөнөт;
11) келишимде лизинг берүүчү тарабынан бюджетке төлөнүүчү салыктын суммасын бөлүп берүү менен мүлк объектин финансылык ижарага алуу келишиминин алкагында лизинг алуучудан лизинг берүүчү тарабынан;
2) мүлк объекттери үчүн ушул бөлүмдө белгиленген ставкалар боюнча жана коэффициенттерди колдонуу менен.
(КР 2025-жылдын 12-февралындагы № 37, 2025-жылдын 31-июлундагы № 185 , 2025-жылдын 29-октябрындагы № 243 Мыйзамдарынын редакцияларына ылайык)