368-берене. Салыктын ставкасы
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
XII БӨЛҮМ. САТУУДАН АЛЫНУУЧУ САЛЫК›47-глава. Сатуудан алынуучу салыкты эсептөө
Кыргыз Республикасынын Салык кодексинин 368-беренеси, 06.08.2026 редакциясы.
1. Эгерде ушул беренеде башкасы каралбаса, сатуудан алынуучу салыктын ставкасы төмөнкүдөй белгиленет:
1) КНС салынуучу товарларды, жумуштарды, кызмат көрсөтүүлөрдү сатып өткөрүүдө:
а) соода иши жана өндүрүш чөйрөсү үчүн - 1 пайыз өлчөмүндө;
б) ушул пункттун "а" пунктчасында каралбаган иш үчүн - 2 пайыз өлчөмүндө;
2) салык салынбаган же КНС төлөөдөн бошотулган товарларды, жумуштарды, кызмат көрсөтүүлөрдү сатып өткөрүүдө:
а) соода иши жана товарларды өндүрүү чөйрөсү үчүн - 2 пайыз өлчөмүндө;
б) ушул пункттун "а" пунктчасында каралбаган иш үчүн - 3 пайыз өлчөмүндө.
2. (КР 2025-жылдын 12-февралындагы № 37 Мыйзамына ылайык күчүн жоготту)
3. Эгерде ушул бөлүктө башкасы белгиленбесе, сатуудан алынуучу салыктын ставкасы банк үчүн - 2 пайыз, уюлдук байланыш чөйрөсүндөгү иш үчүн жана виртуалдык активди сатууда - 5 пайыз, жаңыдан курулган турак жана турак эмес жайларды сатуу боюнча ишкердик субъекттеринин иши үчүн - 2 пайыз, камсыздандыруу (кайра камсыздандыруу) уюмдары үчүн - 2 пайыз, топтолмо пенсиялык фонддор үчүн - 1 пайыз өлчөмүндө белгиленет.
4. Төмөнкүлөрдүн дарегине товарларды сатып өткөрүүдө сатуудан алынуучу салыктын ставкасы:
1) патенттин негизинде ишти жүзөгө ашыруучу субъекттин, ошондой эле ушул Кодекстин 423-беренесинин 1-бөлүгүнүн 1-пунктунун "а" пунктчасында, 6 жана 8-бөлүктөрүндө көрсөтүлгөн субъекттин дарегине - төлөө учурунда төмөнкүдөй белгиленет:
а) накталай эмес формада - 1 пайыз өлчөмүндө;
б) накталай формада - 2 пайыз өлчөмүндө;
2) жеке маалыматтары көрсөтүлбөгөн субъекттин дарегине - 2 пайыз өлчөмүндө белгиленет;
3) өзгөчө режимдеги соода зоналарында ишке салыктын негизинде иш жүргүзгөн субъекттин - төлөө учурунда төмөнкүлөр белгиленет:
а) накталай эмес формада - 1 пайыз өлчөмүндө;
б) накталай формада - 2 пайыз өлчөмүндө.
5. (КР 2025-жылдын 12-февралындагы № 37 Мыйзамына ылайык күчүн жоготту)
(Кыргыз Республикасынын 2023-жылдын 3-апрелиндеги № 78, 2024-жылдын 2-февралындагы № 31, 2024-жылдын 23-июлундагы № 136 , 2025-жылдын 12-февралындагы № 37, 2025-жылдын 31-июлундагы № 185 Мыйзамдарынын редакцияларына ылайык)