268-берене. Медициналык жана ветеринариялык иш чөйрөсүндөгү товарларды, кызмат көрсөтүүлөрдү жана дары каражаттарын, медициналык багыттагы буюмдарды берүү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
IX БӨЛҮМ. КОШУМЧА НАРК САЛЫГЫ›38-глава. Бошотулган берүүлөр жана КНС нөлдүк ставкасы менен берүүлөр
Кыргыз Республикасынын Салык кодексинин 268-беренеси, 06.08.2026 редакциясы.
1. Министрлер Кабинети тарабынан бекитилүүчү тизмек боюнча ден соолугунун мүмкүнчүлүктөрү чектелген адамдар үчүн протездик-ортопедиялык буюмдарды, адистештирилген товарларды, анын ичинде аларды оңдоону кошуп алгандагы берүү КНС бошотулган берүү болуп саналат.
2. Министрлер Кабинети тарабынан бекитилүүчү тизмек боюнча дары каражаттарын жана вакциналарды, анын ичинде жаныбарлар үчүн вакциналарды жана дары каражаттарын, медициналык буюмдарды, ошондой эле дары каражаттарын, жаныбарлар үчүн дары каражаттарын жана медициналык буюмдарды өндүрүүдө пайдаланылуучу баштапкы материалдарды берүү КНСтан бошотулган берүү болуп саналат.
(Кыргыз Республикасынын 2024-жылдын 2-февралындагы № 31 Мыйзамынын редакциясына ылайык)