214-берене. Кирешени түзөтүү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
VIII БӨЛҮМ. ПАЙДАГА САЛЫК›29-глава. Жылдык жыйынды киреше
Кыргыз Республикасынын Салык кодексинин 214-беренеси, 06.08.2026 редакциясы.
1. Товарларды, жумуштарды, кызмат көрсөтүүлөрдү сатуудан алынган киреше төмөнкүдөй учурларда түзөтүлүүгө тийиш:
1) товарлар толук же жарым-жартылай кайтарылганда;
2) бүтүмдүн шарттары өзгөртүлгөндө.
3) бүтүмдүн шарттарын толук же жарым-жартылай аткарбаганда.
Кирешени түзөтүү товарлар кайтарылган же бүтүмдүн шарттары өзгөртүлгөн салыктык мезгилдин жылдык жыйынды кирешесинин өлчөмүн өзгөртөт.
2. Амортизациялоого тийиш болгон негизги каражаттарды сатуудан алынган киреше, ошондой эле ушул негизги каражаттардын камсыздандыруу келишимдери боюнча алынган камсыздандыруу төлөмдөрү товарларды сатуудан түшкөн кирешеге кошулбайт, ал эми ушул бөлүмгө ылайык топтун салыктык наркын аныктоодо эсепке алынат.
(КР 2025-жылдын 12-февралындагы № 37 Мыйзамынын редакциясына ылайык)