184-берене. Бул бөлүмдө пайдаланылуучу түшүнүктөр жана терминдер
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
VII БӨЛҮМ. КИРЕШЕ САЛЫГЫ›22-глава. Жалпы жоболор
Кыргыз Республикасынын Салык кодексинин 184-беренеси, 06.08.2026 редакциясы.
Ушул бөлүмдүн максаттары үчүн төмөнкүдөй түшүнүктөр жана терминдер пайдаланылат:
1) утуш - оюндарга, анын ичинде кумар оюндарына лотереяларга, утуштарга, конкурстарга, мелдештерге, олимпиадаларга, фестивалдарга жана башка ушундай иш-чараларга катышуудан салык төлөөчү байге же акчалай төлөм катары ала турган кирешелердин ар кандай түрлөрү;
2) киреше - активдердин көбөйүшү, акча наркына ээ болгон материалдык баалуулуктарды алуу жана/же материалдык пайда көрүү, ошондой эле салык төлөөчүнүн милдеттенмелерин азайтуу;
3) багуудагы адам - салык төлөөчүнүн кирешесинин эсебинен жашаган, кирешеси жок, анын жакын тууганы.
(КР 2022-жылдын 30-июнундагы № 51 Мыйзамынын редакциясына ылайык)