103-берене. Салык отчеттуулугун берүү боюнча милдеттенмелерди аткаруу датасы
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
III БӨЛҮМ. САЛЫК МИЛДЕТТЕНМЕСИ ЖАНА САЛЫК КАРЫЗЫ›11-глава. Салык отчеттуулугу
Кыргыз Республикасынын Салык кодексинин 103-беренеси, 06.08.2026 редакциясы.
1. Салык отчеттуулугун берүү боюнча милдеттенмелерди аткаруу датасы деп салык кызматынын органы тарабынан отчеттуулукту кабыл алган дата же ушул Кодекстин 100-беренесинин 7-бөлүгүнүн 3-пунктунда көрсөтүлгөн маалымат тутуму электрондук документти кабыл алгандыгы жөнүндө билдирген дата же кайра кабарлоо менен отчеттуулукту почта аркылуу буюртма кат менен жиберүү датасы эсептелет.
2. Эгерде ушул Кодексте белгиленген мөөнөттө отчеттуулук берилгендигин ырастаган, отчётту кабыл алуу убактысы жана датасы жөнүндө белгиси бар документ болсо, салык отчеттуулугун берүү боюнча милдеттенме мөөнөтүндө аткарылды деп эсептелет.
(Кыргыз Республикасынын 2023-жылдын 3-апрелиндеги № 78 Мыйзамынын редакциясына ылайык)