465-берене. Жалпы жоболор
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
XIV БӨЛҮМ. АТАЙЫН САЛЫК РЕЖИМДЕРИ›64-глава. Өзгөчө укуктук режимдеги жана статустагы "Тамчы" атайын финансылык инвестициялык аймагындагы салык режими
Кыргыз Республикасынын Салык кодексинин 465-беренеси, 06.08.2026 редакциясы.
1. Ушул главада каралган салык режими өзгөчө укуктук режимдеги жана статустагы "Тамчы" атайын финансылык инвестициялык аймагынын (мындан ары - "Тамчы" АФИА) "Тамчы" АФИА жөнүндө Кыргыз Республикасынын мыйзамдарынын талаптарына ылайык ишти жүзөгө ашыруучу субъекттеринин ишине карата гана колдонулат.
2. "Тамчы" АФИАнын субъекттеринин ишине карата Кыргыз Республикасынын башка аймактарында жалпы салык режими колдонулат.
(Кыргыз Республикасынын 2025-жылдын 10-июлундагы № 137 Мыйзамынын редакциясына ылайык)