385-берене. Мүлк салыгы боюнча маалыматка жеткиликтүүлүк
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
XIII БӨЛҮМ. МҮЛК САЛЫГЫ›49-глава. Эсептөө тартиби, салык милдеттенмесинин датасы, төлөөнүн орду жана мүлк салыгы боюнча отчетту берүү
Кыргыз Республикасынын Салык кодексинин 385-беренеси, 06.08.2026 редакциясы.
1. Ар бир салык төлөөчү салыкты эсептөө боюнча маалыматты эркин алуу укугуна ээ, ал төмөнкүлөрдү камтыйт;
1) айыл чарба жерлерине таандык жер участогунун бирдигинин базалык салыктык наркы;
2) салыктын суммасын эсептөө үчүн белгиленген коэффициенттердин өлчөмүн;
3) (КР 2025-жылдын 29-октябрындагы N 243 Мыйзамына ылайык күчүн жоготту)
4) мүлк салыгы салынбаган мүлк объекттин аянтынын өлчөмүн;
5) салыктын ставкаларын.
2. Ушул берененин 1-бөлүгүндө көрсөтүлгөн маалымат салык төлөөчүнү тааныштыруу үчүн бардык деңгээлдеги салык кызматынын органдарында ачык жеткиликтүү жайларда, ошондой эле ыйгарым укуктуу салык органынын ачык веб-сайтында жайгаштырылат
(КР 2025-жылдын 29-октябрындагы № 243 Мыйзамынын редакциясына ылайык)