36-берене. Салыктык жеңилдиктердин натыйжалуулугун баалоо
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
I БӨЛҮМ. ЖАЛПЫ ЖОБОЛОР›1-глава. Жалпы жоболор
Кыргыз Республикасынын Салык кодексинин 36-беренеси, 06.08.2026 редакциясы.
1. Салыктык жеңилдиктердин натыйжалуулугу салыктык жеңилдиктердин натыйжалуулугунун принцибине ылайык бааланууга тийиш.
2. Ушул беренеге ылайык бааланууга тийиш болгон салыктык жеңилдиктердин тизмеги, ошондой эле салыктык жеңилдиктердин натыйжалуулугун баалоонун тартиби жана түрлөрү Министрлер Кабинети тарабынан бекитилет.
Кыргыз Республикасынын Президентинин ченемдик укуктук актыларын ишке ашыруу максатында берилүүчү салык жеңилдиктерине ушул бөлүктүн жоболору жайылтылбайт.
3. Бул берененин максаттары үчүн салыктык жеңилдиктин натыйжалуулугу деп салык жеңилдиктерин колдонуу мезгилинде салык жеңилдиктерин берүүнүн максатына жетүү даражасын мүнөздөөчү салык төлөөчүлөр боюнча тийиштүү тармактын ишинин натыйжасы менен өткөн мезгилдин натыйжасынын катышы түшүнүлөт.
2026-жылдын 6-августундагы № 145 Мыйзамынын редакциясына ылайык)