356-берене. Роялти салыгын төлөөчү

Төмөнкүлөрдү жүзөгө ашыруучу, ата мекендик уюм, Кыргыз Республикасында туруктуу мекеме аркылуу ишти жүзөгө ашырган чет өлкөлүк уюм, жеке ишкер роялти салыгын төлөөчү болуп саналат:

1) пайдалуу кен чыккан жерлерди иштетүүнү;

2) жер астындагы сууларды алууну (жер алдынан чыгарууну);

3) көмүркычкылтеги чыккан жерлерди издөөдө жана чалгындоодо тажрыйбалык сыноолор процессинде мунайды жана газды кошумча түрдө алууну;

4) тажрыйбалык-өнөр жайлык сыноо жана/же өзгөчө кырдаалдарды алдын алуу же жоюу максатында пайдалуу кендерди бир жолу казып алууну.

5) жер казынасын пайдалануу укугуна ээ болгон мезгилде казылып алынган пайдалуу кендердин калдыктарын сатууну.

(КР 2025-жылдын 12-февралындагы № 37 Мыйзамынын редакциясына ылайык)