343-берене. Айрым учурларда акцизди төлөөнүн өзгөчөлүктөрү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
X БӨЛҮМ. АКЦИЗ САЛЫГЫ›42-глава. Салык салуунун өзгөчөлүктөрү
Кыргыз Республикасынын Салык кодексинин 343-беренеси, 06.08.2026 редакциясы.
1. Эгерде маркалоо коддорун же акциздик маркаларды сатып алгандан кийин акциздин ставкалары азаюу же көбөйүү жагына өзгөрсө, идентификациялоо каражатын же акциздик жыйым маркасын сатып алууда төлөнгөн акциз салыгынын суммасы кайра эсептелүүгө тийиш эмес.
2. Акциздик товарларды Кыргыз Республикасынын аймагынан тышкары экспорттоодо акциз төлөөнүн өзгөчөлүктөрү ушул Кодекстин 347-беренесинде көрсөтүлгөн.
3. ЕАЭБ бажы чек арасы аркылуу товарларды ташууда акцизди төлөөнүн өзгөчөлүктөрү бажылык укуктук мамилелерди жөнгө салуучу, ЕАЭБ укугун түзүүчү эл аралык келишимдер жана актылар жана Кыргыз Республикасынын бажы иши чөйрөсүндөгү мыйзамдары менен аныкталат.
(Кыргыз Республикасынын 2023-жылдын 3-апрелиндеги № 78 Мыйзамынын редакциясына ылайык)