335-берене. Салыктык база
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
X БӨЛҮМ. АКЦИЗ САЛЫГЫ›41-глава. Жалпы жоболор
Кыргыз Республикасынын Салык кодексинин 335-беренеси, 06.08.2026 редакциясы.
1. Акциз боюнча салыктык база болуп төмөнкүлөр саналат:
1) идентификациялоо каражаты менен же акциздик жыйым маркасы менен белгиленүүгө тийиш болгон акциздик товарлардын физикалык көлөмү; жана/же
2) идентификациялоо каражаты менен же акциздик жыйым маркасы менен белгиленүүгө тийиш болбогон сатылган акциздик товардын физикалык көлөмү; жана/же;
3) идентификациялоо каражаты менен же акциздик жыйым маркасы менен белгиленүүгө тийиш болбогон импорттолгон акциздик товардын физикалык көлөмү; жана/же.
Ушул бөлүктүн максаттары үчүн сатылган акциздик товар деп менчик укугу сатып алуучуга өткөн акциздик товар түшүнүлөт.
4) иштетип алма негизинде чийки заттан Кыргыз Республикасынын аймагында өңдүрүлгөн акциздик товарлардын физикалык көлөмү.
2. Ушул берененин ченемдери товарлар өздүк же иштетип алма чийки заттан өндүрүлгөнүнө карабастан колдонулат.
3. ЕАЭБ мүчө-мамлекеттерден акциздик товарларды импорттоодо салык базасынын өлчөмүн түзөтүү ушул Кодекстин 321-беренесине ылайык жүргүзүлөт.
(Кыргыз Республикасынын 2023-жылдын 3-апрелиндеги № 78 Мыйзамынын редакциясына ылайык)