296-берене. КНС бошотулган башка берүүлөр

КНС бошотулган берүү болуп төмөнкүлөр саналат:

1) уюмдун уставдык капиталына мүлктү өткөрүп берүү, ошондой эле уюм тарабынан катышуучуга мүлк түрүндө салымдын суммасын кайтарып берүү;

2) исламдык каржылоого ылайык шарика келишими боюнча өнөктөш менен уюмдун ортосундагы мүлктү өткөрүп берүү жана кайра кайтаруу;

3) диний каадаларды, ырым-жырымдарды, аземдерди өткөрүү боюнча кызмат көрсөтүүлөр, ошондой эле ажылык зыяраттарды уюштуруу жана өткөрүү боюнча коммерциялык эмес уюмдардын кызмат көрсөтүүлөрү;

4) ЕАЭБде жыштыкты (кубаттуулукту) жөнгө салуу боюнча кызматтарды көрсөтүү, эгерде аларды берүү орду Кыргыз Республикасынын аймагы болуп саналса;

5) Кыргыз Республикасынын ишканаларында чыгарылган жана/же чогултулган транспорт каражаттарын, ошондой эле алардын комплекттөөчүлөрүн берүү;

6) ККМдин реестрине киргизилген ККМди жана оңдоо жана/же өндүрүү же чогултуу үчүн аларга комплекттөөчү бөлүктөрдү жана/же тетиктерди берүү жана тейлөө;

7) ККМдин реестрине киргизилген программалык ККМди орнотуу функциясы бар операциялык системалуу POS-терминалдарды жана ондоо жана/же өндүрүү же чогултуу үчүн аларга комплекттөөчү бөлүктөрдү жана/же тетиктерди берүү;

8) акциздик жыйым маркаларын, Кыргыз Республикасынын жаранынын белгиленген үлгүдөгү паспортторунун жана инсандык ырастамаларынын бланкаларын берүү.";

9) ыйгарым укуктуу салык органы бекиткен тизмеге ылайык программалык ККМ орнотуу үчүн багытталган чектин орнотулган принтери жана операциялык тутуму бар электрондук түзүлүштөрдү берүү;

10) ушул берененин 9-пунктунда көрсөтүлгөн электрондук түзүлүштөргө аларды оңдоо жана/же өндүрүү же чогултуу үчүн комплекттөөчү бөлүктөрдү жана/же тетиктерди берүү;

11) Министрлер Кабинети тарабынан аныкталуучу субъекттерге спортту өнүктүрүүгө багытталган товарларды берүү. Спортту өнүктүрүүгө багытталган товарлардын тизмеги Министрлер Кабинети тарабынан бекитилет;

12) (КР 2026-жылдын 6-августундагы № 145 Мыйзамына ылайык күчүн жоготту)

13) футболду уюштуруу жана өнүктүрүү, анын ичинде мелдештерди өткөрүү, спортчуларды даярдоо, футбол инфратүзүмүн пайдалануу жана күтүү менен түздөн-түз байланышкан иш бөлүгүндө футбол чөйрөсүндө иш жүргүзүүчү уюмдар тарабынан жүзөгө ашырылуучу товарларды берүү, жумуштарды аткаруу жана кызматтарды көрсөтүү.

14) ТЭИ ТН 8703 товардык позициясында классификациялануучу жеңил автомототранспорт каражаттарын берүү - 2029-жылдын 1-январына чейин.

(Кыргыз Республикасынын 2023-жылдын 3-апрелиндеги № 78, 2024-жылдын 2-февралындагы № 31, 2024-жылдын 23-июлундагы № 136, 2025-жылдын 31-июлундагы № 185 , 2025-жылдын 29-октябрындагы № 243, 2025-жылдын 31-декабрындагы № 262, 2026-жылдын 6-августундагы № 145 Мыйзамдарынын редакцияларына ылайык)