259-берене. Агент тарабынан жүзөгө ашырылуучу товарларды, жумуштарды, кызмат көрсөтүүлөрдү берүү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
IX БӨЛҮМ. КОШУМЧА НАРК САЛЫГЫ›37-глава. Салык салуу объекти
Кыргыз Республикасынын Салык кодексинин 259-беренеси, 06.08.2026 редакциясы.
1. Кыргыз Республикасынын салык төлөөчүсүнүн - принципалдын атынан агент тарабынан жүзөгө ашырылуучу товарларды, жумуштарды, кызмат көрсөтүүлөрдү берүү принципалдын берүүлөрү болуп таанылат.
2. Төмөнкүлөрдүн тапшырмасы боюнча агент тарабынан жүзөгө ашырылуучу товарларды, жумуштарды, кызмат көрсөтүүлөрдү берүү:
1) эгерде ушул беренеде башкача каралбаса, Кыргыз Республикасынын салык төлөөчүсүнүн - принципалдын, агент тарабынан өзүнүн атынан жүзөгө ашырылуучулар товарларды, жумуштарды, кызмат көрсөтүүлөрдү берүү агенттин берүүсү болуп таанылат.
Ушул пункттун максатында принципалдын товарды агентке өткөрүп берүүсү агент тарабынан товарды берүү датасына карата салык салынуучу берүү деп таанылат.
2) принципалдын - КНС төлөөчү болуп саналбаган чет өлкөлүк уюм же резидент эмес-жеке жак тарабынан агенттин берүүсүнө киргизилет.