242-берене. Пайда салыгын аныктоонун тартиби, төлөөнүн мөөнөтү жана орду
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
VIII БӨЛҮМ. ПАЙДАГА САЛЫК›32-глава. Салыктын ставкалары. Пайда салыгын эсептөөнүн, отчет берүүнүн жана төлөөнүн тартиби
Кыргыз Республикасынын Салык кодексинин 242-беренеси, 06.08.2026 редакциясы.
1. Пайда салыгын төлөөчү акыркы эсептешүүнү жүргүзөт жана ушул Кодексте белгиленген бирдиктүү салык декларациясын берүү мөөнөтүнө чейин салыкты төлөйт.
2. Салыктын акыркы суммасы салыктын эсептелген суммасынын жана төмөнкүдөй сумманын ортосундагы айырма катары аныкталат:
1) отчеттук салык мезгилиндеги пайда салыгына алдын ала кошуп эсептелген суммасынын;
2) ушул Кодекстин 246-беренесинин талаптарына ылайык салык төлөөчү тарабынан чет мамлекетте төлөнгөн салыктын суммасынын.
3. Пайда салыгы салык төлөөчүнүн учурдагы салыктык каттоого алынган жери боюнча төлөнөт.
(КР 2025-жылдын 12-февралындагы № 37 Мыйзамынын редакциясына ылайык)