738-13-статья. Мурабаха келишиминин предмети боюнча жоопкерчилик
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ›341-глава. Финансылоонун ислам принциптерине ылайык бүтүмдөр жана келишимдер
1. Эгерде мыйзамда же мурабаха келишиминин предметин банктын атынан сатып алуу жөнүндө келишимде башкача каралбаса, мурабаха келишиминин предмети кардарга өткөрүлүп берилгенден кийин ал мурабаха келишиминин предметиндеги кандайдыр бир мүчүлүштүктөр үчүн банк жоопкерчилик тартпайт.
2. Мурабаха келишиминин колдонулушу күчүнө киргенден кийин кардар мурабаха келишиминин предметин сатып алуудан баш тарткан учурда, банктын мурабаха келишиминин предметин сатып алууга байланышкан, сатылган товардын наркы менен жабылбай калган чыгымдарын төлөө, анын ичинде кардар койгон камсыз кылуунун эсебинен төлөө милдетин кардарга жүктөө менен, банк мурабаха келишиминин предметин үчүнчү жакка сатууга укуктуу.
(Кыргыз Республикасынын 2016-жылдын 16-декабрындагы № 207, 2026-жылдын 8-июнундагы № 85 Мыйзамдарынын редакцияларына ылайык)