1116-статья. Географиялык көрсөтмөнү же товар чыгарылган жердин аталышын укуктук жактан коргоону колдонуу чөйрөсү

1. Кыргыз Республикасынын аймагында болгон географиялык көрсөтмөлөргө же товарлар чыгарылган жерлердин аталыштарына Кыргыз Республикасында укуктук коргоо берилет.

2. Эгерде бул аталыш товар чыгарылган өлкөдө, ошондой эле интеллектуалдык менчик жаатындагы ыйгарым укуктуу мамлекеттик органда ушул Кодекске ылайык катталса, Кыргыз Республикасында башка мамлекетте болгон географиялык көрсөтмөгө же товардын чыгарылган жеринин аталышына укуктук коргоо берилет.

(КР 2023-жылдын 23-мартындагы № 68 Мыйзамынын редакциясына ылайык)