126-2-статья. Венчурдук фонддордун коммандиттик шериктештигинин уюштуруу келишими
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
Кыргыз Республикасынын Граждандык кодексинин 126-2-статьясы, 28.07.2026 редакциясы.
1. Венчурдук фонддордун коммандиттик шериктештиги уюштуруу келишиминин негизинде түзүлөт жана иштейт, ал шериктештиктин уставынын функциясын да аткарат. Уюштуруу келишимине бардык толук шериктештер кол коет.
2. Коммандиттик шериктештиктин уюштуруу келишими ушул Кодекстин 87-статьясынын 4-пунктунда көрсөтүлгөн маалыматтардан тышкары шериктештиктин уставдык капиталынын өлчөмү жана курамы жөнүндө; уставдык фонддогу толук шериктештердин ар биринин үлүшүнүн өлчөмү жана өзгөртүү тартиби жөнүндө; алардын салымынын өлчөмү, курамы жана аны кошуунун мөөнөтү жана тартиби жөнүндө, салымдарды кошуу боюнча милдеттерди бузгандыгы үчүн алардын жоопкерчилиги; коммандиттик шериктештердин салымдарынын жыйынды өлчөмү жөнүндө шарттарды камтууга тийиш.
(КР 2026-жылдын 28-июлундагы № 127 Мыйзамынын редакциясына ылайык)