126-3-статья. Коммандиттик шериктештикте башкаруу жана анын ишин алып баруу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
Кыргыз Республикасынын Граждандык кодексинин 126-3-статьясы, 28.07.2026 редакциясы.
1. Венчурдук фонддордун коммандиттик шериктештигинин ишмердүүлүгүн башкаруу толук шериктештер тарабынан жүзөгө ашырылат. Мындай шериктештикти башкаруунун жана ишин алып баруунун тартиби анын толук шериктештери тарабынан венчурдук фонддордун шериктештигинин уюштуруу документтерине ылайык белгиленет.
2. Коммандиттик шериктештер венчурдук фонддордун коммандиттик шериктештигинин иштерин башкарууга катышууга жана шериктештиктин иштерин башкаруу боюнча толук шериктердин аракеттерин талашууга укуксуз. Алар анын атынан ишеним каттын негизинде гана чыга алышат.
3. Толук шериктештер өз ишин коммандиттик шериктердин кызыкчылыгында жана венчурдук фонддордун шериктештигин түзүү максаттарында жүзөгө ашырууга милдеттенет.
(КР 2026-жылдын 28-июлундагы № 127 Мыйзамынын редакциясына ылайык)