Участоктун документин тууралоо

Саламатсызбы,

Сиз сүрөттөгөн жагдай Кыргызстанда көп кездешкен типтүү маселе — огород же кошумча участок оозеки берилген, бирок документке кирбей калган. Мындай жерди көп учурда менчиктештирүүгө же ижарага мыйзамдаштырууга болот, бирок бир нече кадам бар.

1. Биринчи кезекте эмне текшериш керек
Ал жер:

• айыл өкмөттүн балансындабы;
• же мамлекеттик резервдик жерби (ФПС, госфонд);
• же башка бирөөгө катталганбы.

Муну текшерүү үчүн:

-Айыл өкмөтүнө;
Кадастр (Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттик) баруу керек.

Кадастрдан жердин кадастрдык маалыматын текшеришет.

Эгер участок бош болсо жана катталбаса, анда мыйзамдаштырууга мүмкүнчүлүк бар.

2. Эгер жер документке кирбей калган болсо
Эки негизги жол бар.

1-жол — Үй участогуна кошуп мыйзамдаштыруу
Эгер жер:

• үйдүн жанында болсо;
• көп жылдан бери колдонулса;

анда айыл өкмөтүнө арыз жазылат:

“жер участогун бекитип берүү жөнүндө”.

Айыл өкмөт:

1. комиссия чыгарат;
2. жерди өлчөтөт;
3. токтом чыгарат;
4. андан кийин кадастрда катталат.

Бул эн көп колдонулган жол.

2-жол — пайдалануу фактысы аркылуу
Эгер:

• чоң ата көп жылдан бери иштеткен;
• күбөлөр бар;
• коңшулар билет;

анда арызга кошо берсе болот:

• коңшулардын түшүндүрмөсү
• айыл өкмөттөн справка
• схема участка

Комиссия карап чыгып берип коюшу мүмкүн.

3. Кайсы органга кайрылыш керек
Кадамдар мындай:

3.1. Айыл өкмөтүнө
Арыз жазасыз:

жер участогун бекитип берүү жөнүндө

3.2. Комиссия текшерет
Алар карайт:

• бош жерби;
• башка адамдын жери эмесби;
• пайдаланылып келгенби.

3.3. Айыл өкмөт токтом чыгарат
3.4. Кадастрга каттоо
Андан кийин:

• жер өлчөнөт;
• техплан жасалат;
• кызыл китеп (госакт) берилет.

4. Ким арыз жазыш керек
Жакшысы: үйдүн ээси — чоң апаңыз же анын кыздарынын бири ишеним кат менен жазат.