38-берене. Турмуштук оор кырдаалда болгон адамдарга билим берүү

11.04.2026

Булагы: КР Юстиция министрлигинин мыйзам актыларынын базасы

23.06.2026 редакциясы
Жаңыртылды: 03.11.2026

11-глава. Инклюзивдик билим берүү

Кыргыз Республикасынын Мыйзамынын 38-беренеси, 23.06.2026 редакциясы.

1. Кесепеттерин өз алдынча жеңе албаган турмуштук оор кырдаалда турган адамдардын билим алуу укугун жүзөгө ашырууга мамлекет кепилдик берет.

2. Мамлекет турмуштук оор кырдаалда турган адамдардын билим алуу укугун ишке ашырууга социалдык инклюзия үчүн шарттарды түзүү аркылуу кепилдик берет.

3. Мамлекет жекелештирилген мамиле жасоо аркылуу турмуштук оор кырдаалда турган адамдар үчүн Министрлер Кабинети тарабынан аныкталуучу тартипте комплекстүү кызмат көрсөтүүлөрдүн формаларын аныктайт.