112-статья. Алимент алуу үчүн кайрылуу мөөнөттөрү
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
V БӨЛҮМ ҮЙБҮЛӨ МҮЧӨЛӨРҮНҮН АЛИМЕНТТИК МИЛДЕТТЕНМЕЛЕРИ›18-Глава Алимент төлөөнүн жана өндүртүп алуунун тартиби
Кыргыз Республикасынын Үйбүлө кодексинин 112-статьясы, 17.07.2025 редакциясы.
1. Эгерде алимент төлөө тууралу макулдашуу боюнча мурда алимент төлөнбөсө, алимент алууга укугу бар адам алимент алуу укугу пайда болгон учурдан тартып мөөнөтү өтүп кеткенине карабастан, алимент өндүртүп алуу жөнүндө арыз менен сотко же нотариуска кайрылууга укуктуу.
2. Алимент сотко же нотариуска кайрылган учурдан тартып берилет.
Эгерде сотко же нотариуска кайрылганга чейин багууга каражат алуу чаралары көрүлүп, бирок алимент төлөөгө милдеттүү болгон адам аны төлөөдөн качкандыктан улам алимент алынбай калгандыгы аныкталса, өткөн мезгил үчүн алимент сотко же нотариуска кайрылган учурдан тартып үч жылдык мөөнөттүн аралыгында өндүрүп алынышы мүмкүн.
3. Үч жылдын аралыгындагы мөөнөттө топтолгон алименттин суммасы бир жылга теңме-тең бөлүштүрүлгөн үлүштө төлөнүп берилет.
(КР 2025-жылдын 4-июнундагы № 111 Мыйзамынын редакциясына ылайык)