5-1-статья. Кайрылууларды берүү мөөнөттөрү
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
Кыргыз Республикасынын Мыйзамынын 5-1-статьясы, 18.07.2025 редакциясы.
1. Арыздарды жана сунуштарды берүү мөөнөт менен чектелбейт.
2. Даттануулар арыз ээлери тарабынан алардын укуктарынын, эркиндиктеринин жана (же) мыйзамдуу кызыкчылыктарынын бузулгандыгы жөнүндө алар билген же билүүгө тийиш болгон күндөн тартып бир жылдын ичинде берилиши мүмкүн.
Эгерде ушул бөлүктүн биринчи абзацында көрсөтүлгөн мөөнөт жүйөлүү себеп (катуу оору, майыптык, иш сапар ж.б.) боюнча өтүп кетсе, анын бар экендиги арыз ээси тарабынан берилген тиешелүү документтер менен тастыкталса, бул мөөнөт мамлекеттик органдын, жергиликтүү өз алдынча башкаруу органынын жетекчисинин чечими боюнча калыбына келтирилүүгө тийиш жана даттануу ушул Мыйзамда белгиленген тартипте каралат.
(КР 2025-жылдын 18-июлундагы № 152 Мыйзамынын редакцияcына ылайык)