26-берене. Кыргыз Республикасынын аймагында чет өлкөлүк валютадагы операциялар
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
5-глава. Кыргыз Республикасындагы валюта саясаты
Кыргыз Республикасынын Конституциялык мыйзамынын 26-беренеси, 31.10.2025 редакциясы.
1. Кыргыз Республикасынын аймагында чет өлкөлүк валютада эсептешүүлөр жана төлөмдөр Улуттук банк тарабынан белгиленген тартипте жүзөгө ашырылат.
2. Кыргыз Республикасынын аймагында накталай жана накталай эмес улуттук жана/же чет өлкөлүк валютаны сатып алуу-сатуу (алмашуу) боюнча операцияларга чек коюлбайт жана Улуттук банктын тиешелүү лицензиясына ээ банктарда, адистештирилген финансылык жана финансы-кредит уюмдарында, микрофинансылык компанияларда, микрокредиттик компанияларда, кредиттик союздарда жана алмашуу бюролорунда гана жүзөгө ашырылат.
Накталай жана накталай эмес улуттук жана/же чет өлкөлүк валютаны сатып алуу-сатуу (алмашуу) боюнча операцияларды жүргүзүү, отчетторду жана маалыматтарды берүү тартиби жана шарты, ошондой эле ушул бөлүктүн биринчи абзацында көрсөгүлгөн жактарга карата коюлуучу талаптар Улуттук банк тарабынан аныкталат.
3. Ушул берененин 2-бөлүгүндө көрсөтүлгөн жактар жүргүзүлүүчү операциялардын Кыргыз Республикасынын мыйзамдарынын талаптарына ылайык келүүсүн камсыз кылууга милдеттүү.