180-статья. Бүтүмдөрдөн улам келип чыгуучу укуктарды мамлекеттик каттоо
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
Кыргыз Республикасынын Граждандык кодексинин 180-статьясы, 28.07.2026 редакциясы.
1. Кыймылсыз мүлк менен бүтүмдөр жана кыймылсыз мүлккө карата бүтүмдөрдөн келип чыгуучу (ажыратуу, ипотека, мураска алуу ж.б.) жана граждандык укуктар менен милдеттердин белгиленишине, пайда болушуна, өзгөрүшүнө же токтотулушуна байланыштуу укуктар мамлекеттик каттоодон өтүүгө тийиш.
Укуктарды каттоонун жана тиешелүү реестрлерди жүргүзүүнүн тартиби мыйзам тарабынан аныкталат.
2. Ушул Кодексте же мыйзамда айрым түрлөрдөгү кыймылдуу мүлк менен бүтүмдөрдүн негизинде келип чыгуучу укуктарды мамлекеттик каттоо белгилениши мүмкүн.
(Кыргыз Республикасынын 1999-жылдын 21-июлундагы № 83 мыйзамынын, 2003-жылдын 15-ноябрындагы № 222 ,
2008-жылдын 17-декабрындагы № 266 Мыйзамдарыынын редакцияларына ылайык)