32-берене. Санарип ресурсунун ээси
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
II БӨЛҮМ. САНАРИП ЧӨЙРӨСҮНДӨГҮ УКУКТУК МАМИЛЕЛЕР›6-глава. Санарип чөйрөсүндөгү укуктук мамилелердин субъекттери
Кыргыз Республикасынын Кодексинин 32-беренеси, 31.07.2025 редакциясы.
1. Санарип ресурсунун ээсине ага карата ушул Кодексте каралган санарип укуктары таандык.
2. Санарип ресурсунун ээси жеткиликтүүлүк эрежелерин камтыган санарип ресурсун пайдалануу эрежелерин аныктайт.
3. Санарип ресурсунун ээси санарип дайындарына же ресурстарына карата жеткиликтүүлүккө ушул Кодексте белгиленген чектөөлөрдү сактоого милдеттүү.
4. Мамлекеттик жана муниципалдык санарип ресурстарын пайдалануунун эрежелери Министрлер Кабинетинин ченемдик укуктук актыларында белгиленет. Эгерде конкреттүү мамлекеттик же муниципалдык санарип ресурсун пайдалануу эрежелерин белгилөөчү мыйзамда башкача белгиленбесе, ага карата жеткиликтүүлүк чектелбейт.