42-берене. Бюджеттин чыгашалары
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
V БӨЛҮМ. СОЦИАЛДЫК ФОНДДУН ЖАНА МИЛДЕТТҮҮ МЕДИЦИНАЛЫК КАМСЫЗДАНДЫРУУ ФОНДУНУН БЮДЖЕТТЕРИНИН ТҮЗҮМҮ›7-глава. Милдеттүү медициналык камсыздандыруу фондунун бюджетинин түзүмү
Кыргыз Республикасынын Бюджеттик кодексинин 42-беренеси, 14.10.2025 редакциясы.
Милдеттүү медициналык камсыздандыруу фондунун бюджетинин чыгашалары төмөнкүлөргө багытталат:
1) милдеттүү медициналык камсыздандырууну каржылоого;
2) милдеттүү медициналык камсыздандыруунун кошумча программасын каржылоого;
3) Милдеттүү медициналык камсыздандыруу фондунун жана анын аймактык башкармалыктарынын ишин финансылык жана материалдык-техникалык жактан камсыз кылууга;
4) милдеттүү медициналык камсыздандыруу каражаттарынын эсебинен саламаттык сактоо жаатындагы ден соолукту алдын алуу жана чыңдоо боюнча иш-чараларды жана башка максаттуу программаларды каржылоо боюнча саламаттык сактоону колдоого жана өнүктүрүүгө.";
(КР 2024-жылдын 7-августундагы № 163 Мыйзамынын редакциясына ылайык)