Чет Жака чыгуу

Саламатсызбы!
Ооба, кредитиңиз бар болсо жана аны төлөө мөөнөтү өтүп кеткен болсо да, Кыргыз Республикасынан чет өлкөгө чыгууга укугуңуз бар.
Кредиттин болушу же төлөмдүн кечиктирилиши өзүнөн өзү чет өлкөгө чыгууга тыюу салууга негиз болуп эсептелбейт.
Бирок банк карызды өндүрүү боюнча сотко кайрылып, аткаруу өндүрүшү козголуп, сизге карата Кыргыз Республикасынан чыгууга убактылуу чектөө коюлган болсо, чек арадан өтө албай калышыңыз мүмкүн.
Ошондуктан чет өлкөгө чыгардан мурун сизге карата аткаруу өндүрүшү жана өлкөдөн чыгууга чектөө бар же жок экенин текшерүүнү сунуштайм.

Мыйзамдык негиз: Кыргыз Республикасынын «Сот аткаруучулардын статусу жана аткаруу өндүрүшү жөнүндө» мыйзамынын 52-беренеси жана «Тышкы миграция жөнүндө» мыйзамынын 46-беренеси.

Чектөөнү Сот аткаруучулар кызматынын сайтынан текшерсеңиз болот.

Тактоо үчүн: Кредитиңиз канча айдан бери төлөнбөй жатат? Банк сизди сотко бергенби же жөн гана төлөм кечигип жатабы?
Ушуларды тактасаңыз, кененирээк юридикалык жооп берем.

Урматтоо менен,
Муратбек Азимбаев
720060, Бишкек шаары, Арстанбек Дуйшеев көчөсү, 8/1
Тел.: +996 700 987794; +996 776 987794; +996 550 987794
WhatsApp, Telegram, Signal
Электрондук почта: muratbek@azimbaev.pro
LinkedIn: https://www.linkedin.com/in/muratbek-azimbaev-91111a4a/
X (Twitter): @MuratbekAz
ӨТӨ МААНИЛҮҮ! Оң жактагы жогорку бурчта жайгашкан кызыл түстөгү «Дисклеймер»гипершилтемесин басып, дисклеймер менен сөзсүз таанышып чыгыңыз.