Биз ажырашуууга арыз таштайбыз
Биз орто чечим кабылдап адырашалы дедик эле кайда кимге кайрылсак болот
Саламатсызбы,
Эгер экөөңүздөр тең ажырашууга макул болсоңуздар, кайрылуучу орган төмөнкүдөй аныкталат:
- Жалпы жашы жете элек балдарыңыздар жок жана мүлк боюнча талаш жок болсо — жашаган жериңиздер боюнча ЦОНдун ЗАГС бөлүмүнө биргелешип арыз бересиздер. Ажырашуу арыз берилгенден кийин бир ай өткөн соң катталат.
- Жалпы 18 жашка чыга элек балдарыңыздар бар болсо — өз ара макул болгонуңуздарга карабастан, райондук сотко доо арыз берилет. Сот ажырашуунун себептерин териштирбестен никени бузат. Балдар ким менен жашары жана алимент жөнүндө жазуу жүзүндөгү макулдашууну кошо берсеңиздер жакшы.
- Мүлк боюнча талаш бар болсо же тараптардын бири ЦОНго баруудан баш тартса — да райондук сотко кайрылуу керек.
Доо арыз, негизинен, экинчи жубай жашаган жердеги райондук сотко берилет. Эгер жашы жете элек балдар арыз берүүчү менен жашаса, арызды өзүнүн жашаган жериндеги сотко да берсе болот.
Соттун чечими мыйзамдуу күчүнө киргенден кийин ажырашууну каттатып, күбөлүк алуу үчүн ЦОН/ЗАГСка кайрыласыздар. Бул тартип Кыргыз Республикасынын Үй-бүлө кодексинин 20, 22, 24 жана 26-беренелеринде каралган.
Так жол-жобосун айтып, арыздын үлгүсүн даярдаш үчүн эки нерсени тактоо керек: жалпы жашы жете элек балдарыңыздар барбы жана мүлк боюнча талаш барбы?
Урматтоо менен,
Муратбек Азимбаев
720060, Бишкек шаары, Арстанбек Дуйшеев көчөсү, 8/1
Тел.: +996 700 987794; +996 776 987794; +996 550 987794
WhatsApp, Telegram, Signal
Электрондук почта: muratbeka@gmail.com
LinkedIn: https://www.linkedin.com/in/muratbek-azimbaev-91111a4a/
X (Twitter): @MuratbekAz
ӨТӨ МААНИЛҮҮ! Оң жактагы жогорку бурчта жайгашкан кызыл түстөгү «Дисклеймер» гипершилтемесин басып, дисклеймер менен сөзсүз таанышып чыгыңыз.