1 ответ
Юрист
21.11.2026 17:46

Саламатсызбы!
Кыргыз Республикасынын Укук бузуулар жөнүндө кодексинин 547-беренеси жол кырсыгы үчүн айып пул салууну эмес, айып пул салуу жөнүндө токтомго сот аркылуу даттануунун тартибин жана мөөнөтүн жөнгө салат. Демек, ушул берененин негизинде 10 000 сом айып пул салынбайт.
Жол-транспорт кырсыгына байланыштуу жоопкерчилик, негизинен, аталган кодекстин 192-беренесинде каралган.
Мисалы:

  • 192-берененин 2-бөлүгү: жол эрежесин бузуу транспорт каражатына же башка мүлккө зыян келтирсе — 5 500 сом айып пул.
  • 192-берененин 3-бөлүгү: жол эрежесин бузуу адамдын ден соолугуна зыян келтирсе жана кылмыштын белгилери жок болсо — 10 000 сом айып пул.

Ошондуктан сизге 10 000 сом айып пул салынганы 192-берененин 3-бөлүгүнө байланыштуу болушу мүмкүн. Бирок муну токтомду көрмөйүнчө так айтуу мүмкүн эмес.
Тактап бериңизчи:

  1. Жол кырсыгында адамдар жаракат алдыбы же унаалар гана жабыркадыбы?
  2. Милиция кызматкерлери түзгөн протоколдо же айып пул жөнүндө токтомдо кайсы берене жана анын кайсы бөлүгү көрсөтүлгөн?
  3. Кырсыкка сизди күнөөлүү деп табыштыбы?

Мүмкүн болсо, айып пул салуу жөнүндө токтомдун сүрөтүн жөнөтүңүз (жеке маалыматтарыңызды жаап койсоңуз болот).
Эгер айып пул мыйзамсыз салынган болсо, Укук бузуулар жөнүндө кодекстин 547-беренесине ылайык, токтомдун көчүрмөсүн алган күндөн тартып 10 күндүн ичинде райондук же шаардык сотко даттанууга укугуңуз бар.

Урматтоо менен,
Муратбек Азимбаев
720060, Бишкек шаары, Арстанбек Дуйшеев көчөсү, 8/1
Тел.: +996 700 987794; +996 776 987794; +996 550 987794
WhatsApp, Telegram, Signal
Электрондук почта: muratbeka@gmail.com
LinkedIn: https://www.linkedin.com/in/muratbek-azimbaev-91111a4a/
X (Twitter): @MuratbekAz
ӨТӨ МААНИЛҮҮ! Оң жактагы жогорку бурчта жайгашкан кызыл түстөгү «Дисклеймер» гипершилтемесин басып, дисклеймер менен сөзсүз таанышып чыгыңыз.

Оцените ответы (нравится/не нравится) нажав на значок слева!
Были ли ответы юристов полезны? Пожалуйста, оставьте свой отзыв