24-статья. Ички иштер органдарын каржылоо
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
V бөлүм Ички иштер органдарын каржылык жана материалдык-техникалык жактан камсыз кылуу
Кыргыз Республикасынын Мыйзамынын 24-статьясы, 11.06.2025 редакциясы.
Ички иштер органдарын каржылоо Кыргыз Республикасынын Министрлер Кабинети тарабынан борборлоштурулган тартипте республикалык бюджеттен, министрликтерден, мамлекеттик комитеттерден жана административдик ведомстволордон, ишканалардан, башка юридикалык жактардан жана жеке адамдардан келип түшкөн каражаттарынын, башка булактардын эсебинен Кыргыз Республикасынын мыйзамдарында белгиленген тартипте жүзөгө ашырылат.
(Бөлүк КР 2021-жылдын 22-январындагы № 11 Мыйзамына ылайык күчүн жоготту)
Ички иштер органдары юридикалык жактардан жана жеке адамдардан мыйзамдуу түрдө алынып коюлган жана конфискацияланган мүлктү иште пайдалануу үчүн Кыргыз Республикасынын Министрлер Кабинети тарабынан бекитилген тартипте сатып алууга артыкчылык укугуна ээ.
(КР 2014-жылдын 11-январындагы № 5, 2021-жылдын 22-январындагы № 11, 2022-жылдын 25-ноябрындагы № 109 Мыйзамдарынын редакциясына ылайык)