18-берене. Мыйзам чыгаруу иш-аракетин пландаштыруунун өзгөчөлүктөрү
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
Кыргыз Республикасынын Мыйзамынын 18-беренеси, 19.05.2026 редакциясы.
1. Министрлер Кабинети жыл сайын мыйзам долбоорлоо иштеринин планын иштеп чыгат жана бекитет.
2. Мыйзам долбоорлоо иштеринин пландарынын долбоорлорун иштеп чыгууда Президент жана Министрлер Кабинети тарабынан бекитилүүчү жалпы мамлекеттик жана улуттук программалар, стратегиялар, концепциялар, Президенттин кайрылуулары жана билдирүүлөрү, Жогорку Кеңештин депутаттарынын, мамлекеттик органдардын, Элдик Курултайдын, илимий мекемелердин, жарандык коомдун өкүлдөрүнүн сунуштары, ошондой эле колдонуудагы мыйзамдарга жүргүзүлгөн мониторингдин жана баа берүүнүн натыйжалары эске алынат.
3. Ченемдик укуктук актылар мыйзам долбоорлоо иштеринин планынан тышкары даярдалышы мүмкүн.
(КР 2025-жылдын 7-мартындагы № 51 Мыйзамынын редакциясына ылайык)