72-статья. Атайын (убактылуу) администратордун жоопкерчилиги
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
Кыргыз Республикасынын Мыйзамынын 72-статьясы, 29.10.2025 редакциясы.
1. Карыз тарап же кредитор атайын (убактылуу) администратордун укукка туура келбеген иш-аракетинин натыйжасында, аларга келтирилген чыгымдардын ордун атайын убактылуу администратор тарабынан төлөтүп берүү жөнүндө сотко арыз менен кайрылууга укуктуу.
2. Атайын (убактылуу) администратор сот тарабынан Кыргыз Республикасынын мыйзамдарында белгиленген мөөнөттө жана тартипте, ошондой эле ушул Мыйзамдын 70-статьясынын 10-пунктчасынын жоболорун аткарбаган учурда администратор катары иштөө укугунан ажыратылышы (дисквалификацияланышы) мүмкүн.
(КР 1998-жылдын 30-декабрындагы № 160, 2002-жылдын 17-июнундагы № 103 Мыйзамдарынын редакцияларына ылайык)