132-статья. Кредиторлордун талаптарын канааттандыруу
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
15-ГЛАВА КАМСЫЗДАНДЫРУУ УЮМДАРЫНЫН БАНКРОТТУГУ
Кыргыз Республикасынын Мыйзамынын 132-статьясы, 29.10.2025 редакциясы.
1. Камсыздандыруу уюмун банкрот деп таануу (жарыялоо) жөнүндө чечим кабыл алынган учурга чейин камсыздандыруу мезгили келген камсыздандыруу келишими боюнча камсыздандыруучулар камсыздандыруу суммасын төлөөнү талап кылууга укуктуу.
2. Камсыздандыруу уюмун банкрот деп таануу (жарыялоо) жөнүндө чечим кабыл алынган учурга чейин камсыздандыруу мезгили келе элек камсыздандыруу келишими боюнча камсыздандыруучулар камсыздандыруу күчүндө турган мезгилдеги келишимдин иштөө мөөнөтү менен ошол мөөнөттүн ортосундагы айырмачылыкка пропорционалдуу камсыздандыруучуга төлөнгөн камсыздандыруу сыйлыгынын (мүчөлүк акы) бир бөлүгүн кайтарып берүүнү талап кылууга укуктуу.
3. Ушул Мыйзамдын 87-статьясынын 1-пунктунда каралган камсыздандыруу уюмунун үчүнчү кезектеги кредиторлорунун талаптары ушул Мыйзамда каралган жалпы эрежелер боюнча канааттандырылууга жатат.
(КР 2005-жылдын 7-мартындагы № 45 Мыйзамынын редакциясына ылайык)