127-статья. Ордунда жок карыз тараптын кредиторлорунун талаптарын канааттандырышы

1. Ордунда жок карыз тараптын мүлкү табылган учурда аны сатуудан түшкөн пайда банкроттук процессинин чыгымдарын жабууга жумшалат. Кредиторлордун талаптарын канааттандыруу ушул Мыйзамда каралган кезектүүлүк тартибинде жүргүзүлөт. Кредиторлор атайын администраторго алардын талаптарын кароонун жыйынтыгы боюнча сотко атайын администратордун акыркы отчету бекитилген учурга чейин даттанууга укуктуу.

2. Кредиторлор менен эсептешкенден кийин атайын администратор өз иши тууралу отчет түзүп аны сотко берет.

3. Ордунда жок карыз тараптын мүлкү жок болсо соттук чыгымдарды арыз берүүчү төлөйт. Атайын администраторго сыйлык адистештирилген фондунун каражатынын эсебинен банкроттук жөнүндө иш боюнча мамлекеттик орган тарабынан төлөнөт. Кредиторлордун талабы төлөндү деп эсептелет.

Документтерди илимий-техникалык иштетүүгө чыгымдар адистештирилген фонддун каражаттарынан төлөнөт.

(КР 1998-жылдын 30-декабрындагы № 160, 2006-жылдын 27-июлундагы № 132 Мыйзамдарынын редакцияларына ылайык)