25-берене. Жарнамада келишим түзүү жөнүндөгү ачык сунуш
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
Кыргыз Республикасынын Мыйзамынын 25-беренеси, 31.10.2025 редакциясы.
1. Жарнаманы оферта, болбосо ачык оферта жасоого (жарнамада келишим түзүү жөнүндө ачык сунуш) чакырык катары таануунун натыйжалары Кыргыз Республикасынын жарандык мыйзамдарына ылайык аныкталат.
2. Эгерде жарнамада олуттуу шарттардын бирөө эле кабарланса, жарнама берүүчү оферта жасоого чакырык катары чыккан жарнаманын, ошондой эле ачык оферта катары чыккан жарнаманын да иш-аракет мөөнөтүн көрсөтүүгө милдеттүү.
3. Эгерде жарнама берүүчү ачык оферта даректелген жактын акцептин белгиленген тартипте алгандан кийин келишим түзүүдөн качса, ал жак келишим түзүү жөнүндөгү жана жарнама берүүчүнүн келишим түзүүдөн негизсиз баш тартуусунан улам келтирилген чыгымдардын ордун толтуруу жөнүндөгү талаптары менен сотко кайрылууга укуктуу.
(КР 2013-жылдын 30-июлундагы № 178, 2019-жылдын 22-июлундагы № 98, 2023-жылдын 3-июлундагы № 130 Мыйзамдарынын редакцияларына ылайык)