73-берене. Мураска калтырылган мүлктүн эсебинен чыгымдарды төлөө
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
II-БӨЛҮМ.›10-глава. Мурасталган мүлктү кайтаруу үчүн чараларды көрүү.
Кыргыз Республикасынын Мыйзамынын 73-беренеси, 29.10.2025 редакциясы.
1. Мурас ачылган жер боюнча нотариус мураскорлор мурасты кабыл алганга чейин, эгерде ал кабыл алына элек болсо - мурастоого укук жөнүндө күбөлүк мамлекетке берилгенге чейин мураска калтырылган мүлктүн эсебинен төмөнкүдөй чыгымдарды төлөө жөнүндө тескеме берет:
1) мурас калтыруучу ооруп жаткан учурда аны багуу, ошондой эле анын сөөгүн коюу жана сөөгү коюлган жерди абатташтыруу боюнча;
2) мураска калтырылган мүлктү кайтарууга жана аны башкарууга, ошондой эле мураскорлорду чакыруу жөнүндө билдирүүлөрдү жарыялоого.
2. Кыргыз Республикасынын мыйзам актыларында мураска калтырылган мүлктүн эсебинен чыгымдарды төлөөнүн башка учурлары да белгилениши мүмкүн.