52-берене. Нотариалдык иш-аракетти жасоодон баш тартуу
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
II-БӨЛҮМ.›8-глава. Нотариалдык иш-аракеттерди жасоонун негизги эрежелери.
Кыргыз Республикасынын Мыйзамынын 52-беренеси, 29.10.2025 редакциясы.
1. Нотариус нотариалдык иш-аракетти жасоодон баш тартат, эгерде:
1) мындай иш-аракетти жасоо мыйзамдарга карама-каршы келсе;
2) иш-аракетти башка нотариус жасоого тийиш болсо;
3) аракетке жөндөмсүз жаран же болбосо зарыл ыйгарым укуктары болбогон өкүл нотариалдык иш-аракеттерди жасоо өтүнүчү менен кайрылса;
4) юридикалык жактын атынан жасалуучу бүтүм анын уставында же жобосунда көрсөтүлгөн максаттарга карама-каршы келсе;
5) бүтүм мыйзамдын талаптарына шайкеш келбесе;
6) нотариалдык иш-аракетти жасоо үчүн берилген документтер мыйзамдардын талаптарына ылайык келбесе.
2. Нотариус нотариалдык иш-аракеттерди жасоодон баш тартылган адамдын өтүнүчү боюнча баш тартуунун себептерин жазуу жүзүндө баяндоого жана ага даттануу тартибин түшүндүрүүгө тийиш. Мындай учурларда нотариус үч жумуш күндөн кечиктирбестен нотариалдык иш-аракетти жасоодон баш тартуу жөнүндө токтом чыгарат.