40-берене. Жергиликтүү өз алдынча башкаруу органдарынын кызмат адамдары жасай турган нотариалдык иш-аракеттер
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
II-БӨЛҮМ.›7-глава. Нотариустар жана ыйгарым укуктуу кызмат адамдары жасай турган
Кыргыз Республикасынын Мыйзамынын 40-беренеси, 29.10.2025 редакциясы.
1. Калктуу конушта нотариус жок болгон учурда жергиликтүү өз алдынча башкаруу органдарынын ыйгарым укуктуу кызмат адамдары төмөнкүдөй нотариалдык иш-аракеттерди жасайт:
1) керээздерди күбөлөндүрөт;
2) ишеним каттарды күбөлөндүрөт;
3) мураска калган мүлктү кайтаруу үчүн чараларды көрөт;
4) документтердин көчүрмөлөрүнүн жана алардан көчүрмө бөлүктөрдүн аныктыгын күбөлөндүрөт;
5) документтердеги колтамганын аныктыгын күбөлөндүрөт.
2. Кыргыз Республикасынын мыйзам актылары менен ушул беренеде көрөсөтүлгөн кызмат адамдарына башка нотариалдык иш-аракеттерди да жасоо жүктөлүшү мүмкүн.