26-берене. Нотариустун, жергиликтүү өз алдынча башкаруу органдарынын жана Кыргыз Республикасынын чет өлкөлөрдөгү мекемелеринин ыйгарым укуктуу кызмат адамдарынын жоопкерчилиги
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
I БӨЛҮМ.›3-глава Нотариустун укуктары, милдеттери жана жоопкерчилиги
Кыргыз Республикасынын Мыйзамынын 26-беренеси, 29.10.2025 редакциясы.
1. Нотариустар жана жергиликтүү өз алдынча башкаруу органдарынын жана Кыргыз Республикасынын чет өлкөлөрдөгү мекемелеринин ыйгарым укуктуу кызмат адамдары Кыргыз Республикасынын мыйзамдарына карама-каршы келген иш-аракеттерди жасаган учурда кылмыш-жаза, жарандык жана укук бузуулар жөнүндө мыйзамдарда, ошондой эле ушул Мыйзамда каралган жоопкерчиликти тартат.
2. Жасалган нотариалдык иш-аракет жөнүндө маалыматты атайын жарыя кылган же Кыргыз Республикасынын мыйзамдарына карама-каршы келген нотариалдык иш-аракетти жасаган нотариус же жергиликтүү өз алдынча башкаруу органынын жана Кыргыз Республикасынын чет өлкөлөрдөгү мекемесинин ыйгарым укуктуу кызмат адамы анын натыйжасында келтирилген зыяндын ордун толтурууга соттун чечими боюнча милдеттүү.
3. Мамлекет жеке нотариус нотариалдык иш-аракеттерди жасоосунун натыйжасында жеке жана юридикалык жактарга келтирилген зыян үчүн жоопкерчилик тартпайт.