234-1-берене. Электрондук соода операторунун иши
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
VIII БӨЛҮМ. БАЖЫ ИШИ ЧӨЙРӨСҮНДӨГҮ ИШ. ЫЙГАРЫМ УКУКТУУ ЭКОНОМИКАЛЫК ОПЕРАТОР›42-глава. Алымсыз соода дүкөнүнүн ээси
Кыргыз Республикасынын Мыйзамынын 234-1-беренеси, 06.11.2025 редакциясы.
1. Электрондук соода оператору Кыргыз Республикасынын аймагында электрондук соода товарларына карата бажы операцияларын бажылык жөнгө салуу чөйрөсүндөгү эл аралык келишимдерге жана актыларга ылайык жүргүзөт.
Жеке жактар сатып алган электрондук соода товарларына карата бажы операциялары мындай товарлардын декларанттарынын атынан электрондук соода оператору тарабынан жүргүзүлөт.
2. Электрондук соода операторлорунун бажы операцияларын түздөн-түз жүргүзүүчү кызматкерлерине карата квалификациялык талаптар жана мындай жактарга алардын мындай квалификациялык талаптарга ылайык келишин ырастоочу документти берүү шарттары Кыргыз Республикасынын Министрлер Кабинети тарабынан белгиленет.
(КР 2025-жылдын 6-ноябрындагы N 253 Мыйзамынын редакциясына ылайык)