17-берене. Өзгөчө тартипте (конкурстан тышкары) мамлекеттик жарандык кызматка жана муниципалдык кызматка кирүүнүн тартиби
Булагы: КР Юстиция министрлигинин мыйзам актыларынын базасы
Жаңыртылды: 10.11.2026
4-глава. Мамлекеттик жарандык кызматты жана муниципалдык кызматты өтөө тартиби
Кыргыз Республикасынын Мыйзамынын 17-беренеси, 17.07.2026 редакциясы.
1. Мамлекеттик жарандык кызматтын жана муниципалдык кызматтын айрым административдик кызмат орундарына кирүүнүн өзгөчө (конкурстан тышкары) тартиби белгиленет.
2. Мамлекеттик органдар, жергиликтүү өз алдынча башкаруу органдары боюнча дайындоо өзгөчө тартипте жүзөгө ашырылуучу айрым административдик кызмат орундарынын тизмеги мамлекеттик жана муниципалдык орундардын реестринде белгиленет.
3. Мамлекеттик жарандык кызматтын жана муниципалдык кызматтын айрым административдик кызмат орундарына өзгөчө (конкурстан тышкары) тартипте кирүү эрежелери бир жыныстагы адамдардын 70 пайыздан ашпаган гендердик өкүлчүлүгүн эске алуу менен ыйгарым укуктуу мамлекеттик орган тарабынан белгиленет.
4. Министрликтерде мамлекеттик жарандык кызматтын бош кызмат орундарын министрликтин борбордук аппаратынын белгиленген штаттык санынын он пайызынан ашпаган санда өзгөчө (конкурстан тышкары) тартипте ээлөөгө жол берилет.
(КР 2025-жылдын 10-июлундагы № 141, 2026-жылдын 17-июлундагы № 114 Мыйзамдарынын редакцияларына ылайык)