223-берене. Кечиктирүүгө болбой турган учурларда атайын тергөө аракеттерин жүргүзүү
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
VII БӨЛҮМ›31-глава. Атайын тергөө аракеттери
1. Адамдардын өмүрүн сактап калууга байланыштуу кечиктирүүгө болбой турган учурларда, атайын тергөө аракеттери ушул Кодекстин 221, 270-беренелеринде белгиленген тартипте көрсөтүлгөн аракеттин мыйзамдуулугун же мыйзамсыздыгын аныктоо үчүн тергөө судьясына кылмыш ишинин тийиштүү материалдарын 24 сааттын ичинде андан ары берүү менен тергөө судьясынын чечимисиз башталышы мүмкүн.
2. Эгерде судья мындай аракетти жүргүзүүгө уруксат берүүдөн баш тартуу жөнүндө чечим кабыл алса, атайын тергөө аракетин жүргүзүү боюнча бардык аракеттерди аткаруу кечиктирилбестен токтотулууга тийиш. Мындай аракеттин натыйжасында алынган маалымат тергөө судьясынын контролу алдында жок кылынууга тийиш.