136-берене. Реабилитациялангандын башка укуктарын калыбына келтирүү

23.06.2026

Булагы: КР Юстиция министрлигинин мыйзам актыларынын базасы

06.10.2026 редакциясы
Жаңыртылды: 02.11.2026

VI БӨЛҮМ›17-глава. Соттун жана кылмыш-жаза сот өндүрүшүн жүзөгө ашыруучу органдардын мыйзамсыз аракеттери менен келтирилген зыяндын ордун толтуруу боюнча өндүрүш

1. Реабилитациялангандын эмгектик, пенсиялык, турак жайлык жана башка укуктарын калыбына келтирүү жарандык сот өндүрүшүнүн тартибинде жүргүзүлөт.

2. Соттун чечиминин негизинде ардак, аскердик, атайын же башка наамдарынан, класстык ченинен, дипломатиялык рангынан, квалификациялык классынан, ошондой эле мамлекеттик сыйлыктарынан ажыратылган реабилитациялангандарга наамы, класстык чени, дипломатиялык рангы, квалификациялык классы калыбына келтирилет, мамлекеттик сыйлыктары кайтарылып берилет.