75-1-берене. Кылмыштардын рецидивинде жазаны дайындоо
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ. КЫЛМЫШ-ЖАЗА-УКУКТУК ТААСИР ЭТҮҮ ЧАРАЛАРЫ ЖАНА АЛАРДЫН КОЛДОНУЛУШУ›13-глава. Жазаны дайындоо
Кыргыз Республикасынын Кылмыш-жаза кодексинин 75-1-беренеси, 24.07.2026 редакциясы.
1. Рецидив, коркунучтуу рецидив жана өзгөчө коркунучтуу рецидив үчүн жазаны дайындоодо жасалган кылмыштардын саны, мүнөзү, оордугу жана кесепеттери, ошондой эле мурдагы жазанын түзөтүү таасири жетишсиз болгон жагдайлар, жана жаңы кылмыштардын мүнөзү, оордугу жана кесепеттери эске алынат.
2. Рецидив үчүн жазанын өлчөмү жасалган кылмыш үчүн каралган максималдуу жазанын жарымынан аз эмес, коркунучтуу рецидив үчүн - үчтөн экисинен кем эмес, ал эми өзгөчө коркунучтуу рецидив үчүн төрттөн үчүнөн кем эмес болууга тийиш.
(Кыргыз Республикасынын 2026-жылдын 11-июнундагы № 87 Мыйзамынын редакциясына ылайык)