401-берене. Учуу же аларга даярдык көрүү эрежелерин бузуу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ. МАМЛЕКЕТТИК БИЙЛИККЕ КАРШЫ КЫЛМЫШТАР›49-глава. Аскердик мүлктү сактоонун же эксплуатациялоонун тартибине каршы кылмыштар
Кыргыз Республикасынын Кылмыш-жаза кодексинин 401-беренеси, 24.07.2026 редакциясы.
1. Учуу же аларга даярдык көрүү эрежелерин, ага тете учуучу аппараттарды эксплуатациялоо эрежелерин бузуу этиятсыздыктан олуттуу залал келтирсе, -
200дөн 500 эсептик көрсөткүчтөргө чейин айып салууга, же болбосо эки жылга чейинки мөөнөткө белгилүү бир кызмат ордун ээлөө же белгилүү бир иш менен алектенүү укугунан ажыратуу менен эки жылга чейинки мөөнөткө эркиндигинен ажыратууга жазаланат.
2. Этиятсыздыктан оор залал келтирген ошол эле жосун, -
үч жылга чейинки мөөнөткө белгилүү бир кызмат ордун ээлөө же белгилүү бир иш менен алектенүү укугунан ажыратуу менен эки жылдан беш жылга чейинки мөөнөткө эркиндигинен ажыратууга жазаланат.
3. Ушул берененин 1-бөлүгүндө көрсөтүлгөн, этиятсыздыктан өзгөчө оор залал келтирген жосундар, -
үч жылга чейинки мөөнөткө белгилүү бир кызмат ордун ээлөө же белгилүү бир иш менен алектенүү укугунан ажыратуу менен беш жылдан жети жылга чейинки мөөнөткө эркиндигинен ажыратууга жазаланат.
ХI БӨЛҮМ. ЭЛ АРАЛЫК УКУК ТАРТИБИНЕ КАРШЫ КЫЛМЫШТАР